MUGI 🎮1UP🍄 Accelerator - Open Call (Feb - May 2026 | Hybrid)
MUGI (Macedonian Union of Games Industry) го отвора повикот за MUGI 1UP - акцелераторска програма за тимови и индивидуалци кои имаат игра или прототип и сакаат да го направат следниот чекор: од идеја и демо до одржлив производ, јасна стратегија и пласман.
Програмата нуди поддршка и насочување од различни профили од game dev екосистемот - за да ја кренеш играта/прототипот на следно ниво.
Оваа програма е наменета за широк спектар креатори
соло девелопери
тимови што биле на гејм џем
инди тимови
фриленсери што градат сопствен проект или портфолио
искусни професионалци што работат на следниот голем чекор или нова игра
Што нуди програмата
Во рамки на MUGI 1UP ќе добиете поддршка фокусирана на практични резултати:
Менторство од индустриски експерти (продукција, продукт, бизнис)
Бизнис и продукциска поддршка за појасен план, приоритети и изведба
IP и монетизација насоки (поставување рамка за права и модели на приходи)
Пристап до инвеститори и издавачи преку насочување и подготовки
Demo Day showcase за презентирање на проектот
За кого е повикот
Овој open call е за вас ако:
имате игра во развој или прототип
сакате да го подигнете проектот на следното ниво со структурирана поддршка
сакате да бидете подготвени за пич, партнерства и пристап до пазарот на игри
сакате да го направите следниот чекор - да ја завршите, да ја објавите/лансирате, да обезбедите финансирање, или да поставите појасен план и приоритети
Формат и период
Програмата се одвива хибридно (Feb - May 2026), со активности кои комбинираат онлајн работа и сесии во живо.
Како да аплицирате
1. Отворете ја апликациската форма
2. Пополнете ги барањата за вашиот проект/прототип
3. Испратете ја апликацијата - деталите и следните чекори се наведени во самата форма